Nonni boy er kominn aftur!!! Vá hvað ég var ánægð að fá hann aftur eftir 4 mánaða aðskilnað! Hvernig í ósköpunum er hægt að tengjast bíl svona? Ég sem er orðin bílaböðull...

Er svolítið vön að vakna á næturna og sjá hitt og þetta... stundum er þetta leyfar af einhverjum draumum, stundum er þetta eitthvað vinnutengt (ég að nudda axlirnar á Halldóri í svefni... hefur gerst). En um daginn rumskaði ég við það að eitthvað væri að læðast í rúminu eiginlega yfir höfðinu á mér... ég opna augun og get svo svarið það að ég hafi séð rassinn á ketti og skottið... ég settist snögglega í rúmið og kíkti niður á gólf, ekkert. Ég ákvað að leggjast niður aftur áður en ég myndi hrista Halldór og öskra, það er köttur í herberginu!!! ég lá í nokkrar sekúndur og hlustaði eftir hljóði. Nei, ég var ekki að verða vitlaus... það var eitthvað undir rúminu.
Auðvitað stökk ég á Halldór, hristi hann hraustlega og sagði "ÞAÐ ER KÖTTUR UNDIR RÚMINU!"
Halldór hélt ég væri enn eina ferðina að rugla eitthvað... ég sagði, söss!!! hlustaðu!! Látum í rúminu og héldum í okkur andanum, jú skruðningar undir rúminu. Halldór kveikti ljósin og allt í einu klukkan 3 að nóttu til vorum við tvö á kattaveiðum. Ef smá ksskss og mjá mjá þá kom kisan undan rúminu voðalega hlessa á okkur, var með augu eins og kisan í Shrek og purraði eins og smábátur. Hún hafði náð að stökkva inn um eldhúsgluggann hjá okkur í smá skoðunartúr...
Kötturinn var settur út þrátt fyrir mjálm og kvörtunartón frá dýrinu...